Movie: The Palace

Thank you to Silverpaj5 for creating a wonderful montage of one of my favorite love stories made for the silver screen. Watch the beautifully done video above.

Una sa lahat. Ang pogi ni Xiao Chen (he plays the role of Yin Xiang or the thirteenth brother) dito sa movie ha. Ewan ko ba, mas ok ang look niya na kalbo (this is a period drama/love story set during the Qing Dynasty) kaysa sa may buhok siya in reality. Wala siyang angle na panget dito.

Ang ganda ng role na binigay kay Dongyu Zhou dito who plays the role of Chen Xiang, a simple, kind-hearted maid who fell in love with Yin Xiang. Martir ang peg ni ate. As in!

Grabe akala ko parang magiging star-crossed lovers ang story ng dalawang ito. Akala ko pareho na lang silang matetepok in the end kasi sobra ang pinagdaanan ng dalawa lalo na si Chen Xiang. Believe me, while watching this film (past 12mn til almost 2am), ang bigat ng pakiramdam ko kasi parang hindi na matapos tapos ang kalbaryo ng dalawa courtesy of the ninth brother played by Zixiao Zhu and Chen Xiang's best friend played by Liying Zhao.

Naku ha yang si Liu Li, naturingan pa naman na best friend ni Chen Xiang pero sobra ang pasakit (both emotional and physical) ang ginawa niya kay Chen Xiang. Heto naman si Chen Xiang, pa-martir ang effect talaga.

Ang ganda ng scene nung may sky lanterns para hanapin si Chen Xiang ni Yin Xiang. Tapos sinabayan pa ng magandang musical scoring. Ay bongga!

Tapos heart-breaking yung scene kung saan pinatawag ng new emperor (the fourth brother) si Chen Xiang na after siyang purihin eh sinabihan na paghihiwalayin sila ni Yin Xiang na actually eh hinahanap nga siya. Yung scene na tumulo ang luha ni Chen Xiang. O ang saket!

And of course, the most romantic scene in the film: pumunta si Chen Xiang dun sa palace kung saan ni-detain si Yin Xiang before, not knowing na nandun pala siya at hinihintay siya. Kilig! Dito na nalaman ni Yin Xiang ang true identity ng kanyang true love. Shempre ang pogi pogi ni Yin Xiang dito.

Buti na lang may youtube at pwedeng ulit-ulitin kaso medyo sablay ang mga subtitles. Baka meron pang screening sa Screen Red channel.

Ang Buwis na Kalbaryo... Bow..

Heto na nga ba ang sinasabi ko eh. Kaya ayaw ko dumarating ang bagong buwan kasi alam kong waiting game na naman sa BIR RDO 039.

Dumating ako dun ng mag-almost 10am para mag-file ng tax return. Pero apat na oras, yes in english, four hours, ako naghintay bago matawag ang numero ko. Dati rati, in 2 minutes, tapos ang pag-file, ngayon dahil sa bagong sistema at medyo matagal na processing at idagdag mo pa na medyo "jurassic" na yung ibang BIR collectors, umabot ako ng ganun katagal.

Tapos kanina yung isa dun, nagtaray pa. Aba aba, kasalanan nya ano, biro mo ba naman, sunod sunod na pinindot yung pindutan (pindutan siguro ngalan nun hindi ko alam eh) para mag-appear ang number sa ticker board. Eh di hayun, marami ang nagpuntahan sa counter niya. Tapos magsisisigaw siya na tinawag na raw yung numbers na yun. Nakuuuu!!! Buti na lang hindi ako ang nakaharap niya.

Hahaha tapos may isang tao dun na kitang kita ko naglagay ng pera (maraming P500 bills) sa isang manila envelope kasama ng mga papeles nya at ibinigay dun sa isang collector hahaha! #AlamNa.

Dapat magdagdag sila ng collectors, four counters lang ang nakalaan for tax return collection. Ewan ko bakit until now eh hindi pa rin pwede i-submit online ang mga eBIR forms na yan!

Manang Kim: Puro ka reklamo, etong para sa iyo! Bratatatatat...!

Til we meet again next month. Naku i-dagdag mo pa ang lecheng Quezon City Hall na yan para mangulimbat na naman ng business taxes sa pagpasok ng bagong taon. Isa pa rin kalbaryo yan. Ang nakakabwiset pa. Pupunta ako sa Step 2 for assessement tapos sasabihin lang sa akin na sa Step 3 na lang ako ma-a-assess ng tama kasi hindi nya alam paano i-assess ang taxes na babayaran ko. My gulay!! Inutil ang Step 2!

Bistek: Hello mga QC peeps, belat! Bayad kayo taxes ha, need ko alagaan ang mga iskwating eh.

(Photo credit to the owners)

Movie: The Love of Siam

Gusto ko talaga ang movies na may sad endings, pero my gazz naman, halos tatlong oras yung movie kaya sana naman eh happy yung ending.

Pero kahit na hindi siya happy ending, eh satisfied naman ako sa story.

Ang ganda ng story ni Mew. Sa tingin ko pagkatapos ng limang taon nung mamatay ang lola niya, eh nahanap na niya rin ang pagka-kumpleto sa kanyang buhay. Kaya nga siguro nag-"thank you" siya dun sa last scene. After ma-complete yung parts nung toy na ibinigay sa kanya ni Tong, naging complete na rin ang buhay nya. Hindi na siya naging lonely. Humagulgol talaga siya, na sa tingin ko ay napaka-genuine.

May mga lines sa movie na nakapukaw sa aking atensyon. Isa yung scene kung saan si Tong at ang kanyang nanay, si Sunee, ay naglalagay ng ornaments sa christmas tree:

Tong: "What if I choose one and you don't like it? You'll be upset again."

Matapos makapagisip-isip si Sunee dahil na rin sa nasaksihan nya na eksena sa pagitan nina Tong at Mew,

Sunee: "Choose what you think is best for yourself." Tapos si Tong naman, pinili niya ang lalaking santa elf imbes na yung raggedy ann yata yun haha!

Isa pa yung eksene kung saan nagkita ulit sina Tong at Mew pagkatapos ng performance ng August Band:

Tong: "I can't be with you as your boyfriend." Sa totoo lang, na-heartbroken din ako dun lalo na yung nawala talaga yung smile ni Mew.

Pero...

Tong: "But that doesn't mean I don't love you." Tapos nag-smile ulit si Mew! Hayy, ang cute talaga ng smile ni Mew.

Tapos ang nasambit ni Mew eh..

Mew: "Thank you." Parang mga pinoy lang na mahilig mag-thank you haha.

Tsaka teka pala! Si June ba ay si Tang or hindi?! Ang haba ng movie tapos medyo malabo ang part ng story na yun.

Hindi ako movie critic. Hindi rin ako gumagamit ng maaarteng mga salita pero alam ko na maganda ang movie na ito. (Photo credit to the owner.)

-er na -er!

Grabe talaga ang mga -er!

Nababaliw ako kapag nakakakita ako ng hot na -er.

Si kuya na construction worker..